Solicitude Xenérica

No caso de que o procedemento que desexe tramitar non se atope especificamente incluído como un procedemento que poida iniciar de maneira electrónica nesta Sede, sempre pode recorrer a iniciar un procedemento do tipo “Solicitude xenérica".

Para presentar a solicitude de maneira electrónica, vostede deberá:

1. Reunir a documentación que vostede desexe incluír coa súa solicitude. Debe ter en conta que o rexistro electrónico admite:
   • un máximo de 15 documentos
   • o formato PDF
   • un tamaño máximo por documento de 8.00 MB
2. Realizar a sinatura electrónica de todos os documentos a incluir na solicitude. A Sede Electrónica municipal non está habilitada para asinar electronicamente a documentación, polo que o proceso de sinatura electrónica debe ser realizado no ordenador da persoa solicitante. No caso de necesitar información sobre como realizar a sinatura electrónica de documentos, pode consultar a "Guía para realizar a sinatura electrónica de documentos PDF"
3. Feito o anterior, deberá identificarse na Sede empregando un certificado electrónico ou outro dos métodos de validación de Cl@ve. Logo da identificación atoparase no seu espazo persoal da Sede.
4. Acceder ao "Rexistro electrónico" e seleccionar  unha "Solicitude xenérica".
5. Cubrir os datos que se solicitan na "Solicitude xenérica"
6. Engadir toda a documentación, que tal e como se indicou no paso 3 debe estar asinada co seu certificado dixital.
7. Enviar a solicitude.

Unha vez feito o envío obterá un xustificante de rexistro de entrada no Concello.

Antes de optar por presentar unha "Solicitude xenérica", debe comprobar que non existe un procedemento especifico (incluíndo modelos de solicitude específicos) para iniciar a xestión que necesita realizar, en tal caso, sería desexable que seguise o descrito no procedemento en cuestión.

No caso de presentar unha "Solicitude xenérica", deberá utilizar o "Modelo de solicitude xenérica" que poderá descargar liñas máis abaixo. En función do tipo de solicitude que desexe realizar, pode ser necesario achegar outra documentación. A recomendación é que con anterioridade se informe correctamente da documentación que ten que achegar coa súa solicitude, para deste xeito evitar ter que emendar errores por falta de documentación.

Pode presentar o modelo de "Solicitude xenérica" e resto de documentación en:      

• Rexistro Xeral Municipal

  Calle Real, nº1

  Teléfono: 981 249 249

  Horario: De luns a venres de 9:00 a 14:00 horas.

Tamén se pode presentar nas formas previstas no artigo 16.4 da Lei 39/2015 do 1 de outubro.

A solicitude xenérica debe incluír un documento no que estean cubertos os seguintes datos:

• Nome e apelidos da persoa interesada e, de ser o caso, da persoa  que a represente, así como a identificación do medio preferente ou do lugar para recibir notificacións.
• Feitos, razóns e petición
• Lugar e data
• Sinatura
• Órgano, centro ou unidade administrativa a quen vai dirixido

Á parte da información anterior e en función do tipo de solicitude que desexe realizar,pode ser necesario achegar outra documentación. A recomendación é que con anterioridade se informe correctamente da documentación que ten que achegar coa súa solicitude, para deste xeito evitar ter que emendar errores por falta de documentación.